അഡ്മിനിസ്‌ട്രേറ്ററെ തിരിച്ചു വിളിക്കണം; ചെന്നിത്തല രാഷ്ട്രപതിക്ക് കത്തയച്ചു
തിരുവനന്തപുരം: ലക്ഷദ്വീപ് അഡ്മിനിസ്‌ട്രേറ്ററെ തിരിച്ചു വിളിക്കണമെന്ന് ആവശ്യപ്പെട്ട് കോണ്‍ഗ്രസ് നേതാവ് രമേശ് ചെന്നിത്തല രാഷ്ട്രപതിക്ക് കത്തയച്ചു. ലക്ഷദ്വീപിന്റെ സാമൂഹിക സാഹചര്യങ്ങളെ തകര്‍ക്കുന്നതാണ് അഡിമിനിസ്‌ട്രേറ്ററുടെ പ്രവര്‍ത്തനങ്ങളെന്ന് ചെന്നിത്തല ആരോപിച്ചു.
ലക്ഷദ്വീപില്‍ ഒരു പ്രത്യേക സംസ്‌കാരമുണ്ട്. അത് കേരളത്തിലെ സംസ്‌കാരവുമായി ബന്ധപ്പെട്ട് കിടക്കുന്നണ് . ‘എത്രയോ ആളുകള്‍ അഡിമിനിസ്‌ട്രേറ്ററായി ഇരുന്നിട്ടുണ്ട്. അവരാരും ചെയ്യാത്ത നടപടികളാണ് ഇപ്പോഴത്തെ അഡ്മിനിസ്‌ട്രേറ്റര്‍ കൈക്കൊണ്ടിരിക്കുന്നത്. അതുകൊണ്ട് അഡ്മിനിസ്‌ട്രേറ്ററെ തിരികെ വിളിക്കണം’ രമേശ് ചെന്നിത്തല പറഞ്ഞു.കേന്ദ്ര സര്‍ക്കാരും രാഷ്ട്രപതിയും ഇടപെടണമെന്നും അദ്ദേഹം ആവശ്യപ്പെട്ടു.
അതേസമയം ലക്ഷദ്വീപ് ജനതയ്ക്ക് ഐക്യദാര്‍ഢ്യം പ്രഖ്യാപിച്ച് കേരള നിയമസഭ പ്രമേയം പാസാക്കണമെന്ന് ആവശ്യപ്പെട്ട് യൂത്ത് കോണ്‍ഗ്രസ് സംസ്ഥാന പ്രസിഡൻറെ ഷാഫി പറമ്പില്‍ എംഎല്‍എ മുഖ്യമന്ത്രിക്ക് കത്ത് നല്‍കി.